Press Lebanon
مقالات مشابهة
طلب رجل الاعمال جاد صوايا من رئيس مجلس النواب نبيه بري ونقيب المحامين نزع الحصانة عن النائب زياد اسود ليتمكن من الإدعاء عليه امام القضاء.
وقال صوايا : “ما زلت يا زياد أسود عم تلاحقني، في مقولة عند الطائفة السنيّة الكريمة “السن بالسن والعين بالعين”، رح ضلني وراك لو شو ما صار، ورح إفضح مع الإيام كل شي امام الرأي العام والإعلام، كلّ شي بتفكّر تعملو ضدّي..
إنتَ يا زياد عم تجرّب تفتح ملّف عمره 5 سنين لمّا تمّ إطلاق النار على السيارات تبعي بجزين، علماً انّو الملف عند الريّس رهيف رمضان، وبتمنّى تنكشف هويّة مين أطلق النار!!
إنت عم تجرّب تتصل، ببعض المرافقين يلّي كانوا معي شخصياً، يلّي بحترمن كتير، وعم تجرب تعمل فتنة وفخ لإلي.. رح قلّك انو كتير صعبة تنجح بالمخطّط تبعك..
رح ادّعي عليك يا زياد امام القضاء، ورح اطلب من الرئيس بري ونقيب المحامين بنزع الحصانة النيابية عنك لملاحقته قانونياً، لأن اكيد ما بيقبل واحد متلك يكون عندو حصانة من الشعب.. ورح حاكمَك لو شو ما صار!
إذا أنا ما قدرت حاكمتك، كون اكيد انو الشعب رح يحاكمك.. اليوم أو بكرا أو بالمستقبل..
مع الملاحظة، دور النائب هو التشريع ومساعدة ابناء المنطقة، مش يلحق الناس ويضلو وراها ويفبرك قصص عنن، اذا انت وقتك فاضي، نحنا عنا اشغالنا.. ولاد جزين بحاجة لكتير خدمات، طلّع فيهم وساعدهم”.
